Sisingaan mangrupakeun seni pintonan rahayat khas Sunda. Teu aya asal pasti, iraha kasenian ieu mimiti di paénkeuna. Ceunah mah ngaran Sisingaan téh geus dipikawanoh ku masarakat Sunda di Jawa barat ti jaman baheula.Ari saurna mah mimitina kasenian ieu ngan ukur dipaénkeun di wéwéngkon kabupatén Subang, Jawa barat. Tapi kiwari pintonan Sisingaan ogé geus ngembang di wewengkon séjéna, kawas Kabupatén Bandung, Purwakarta jeung Sumedang.
Di kabupatén Subang, Sisingaan remen ogé dipaénkeun lamun aya acara husus, kawas khitanan masal sarta ngabagéakeun sémah ageung atawa kanagaraan. Saban bulan Agustus, kasenian ieu ogé dipaénkeun dina poé kamerdékaan Republik Indonésia. Saban warsih, kasenian ieu ogé digelar di masarakat Subang dina ngarayakeun Poé Jadi Kabupatén Subang.
Sabot pintonan Sisingaan dipaénkeun, urang bisa nempo sawatara bonéka nu mangrupa sirah singa nu dijieuna tina awi. Lamun Sisingaan dipaénkeun pikeun acara sunatan masal, di luhur tandu engkéna ogé aya diuk saurang budak lalaki anu baris rék dikhitan.
Sarta sabot pintonan dimimitian, saban tandu éta dipunggu ku opat urang lalaki. Maranéhanana maké pakéan adat Sunda. Hiji ciri hasna, maranéhanana maké ikét sirah ti lawon atawa udeng. Teu heran, lamun aya ogé anu nyebutkeun kasenian ieu ku ngaran Gotong Singa. Lamun diartikeun, Gotong diadopsi ti basa Sunda nyaéta dipunggu.
Sabot acara sisingaan di paénkeun ogé ilaharna di iringan ku témbang tradisional, kawas kendang, gong, salompret, sarta ketipung. Bari lalampahan, nu ngagarotong tandu ogé jojogédan bari nuturkeun sora musik.
Biasana mah kasenian ieu ogé dipaénkeun babarengan ku atraksi nu séjéna, kawas pintonan akrobat sarta pencak silat. Teu tinggaleun, tarian has Sunda, salah sahijina Jaipong ogé sok di témbangkeun sabot aya pintonan Sisingaan ieu.
Jadi pamaén Sisingaan ieu téh teu gampang, sabab pamaén kudu ngabogaan katerampilan nu husus. Miasalna kudu bisa ngibing, sarta maénkeun sawatara macem-macem gerakan bari nahan sisingaan nu dibawana.
Mimitina mah sisingaangan ieu mangrupa pintonan basajan. Tapi kiwari, boneka Sisingaan anu dijieun tina awi téh dijieun sakitu rupana nepi ka mirip jeung singa wangun aslina. Kostum pamaén Sisingaan ogé mikin kadie mah mikin modern.
Social Plugin